Bıyl álemdik reıtıngke engen qazaqstandyq joǵary oqý oryndarynyń tizimine Almaty tehnologııalyq ýnıversıteti men Iаsaýı atyndaǵy halyqaralyq qazaq-túrik ýnıversıteti de endi, dep habarlaıdy Egemen.kz.
«Bıyl qazaqstandyq 16 JOO QS WUR reıtıngine endi, ótken jyly olardyń sany 14 bolatyn. Al oǵan deıin 8 ǵana ýnıversıtet bolǵan edi. Jaqynda ýnıversıtetterimiz taǵy bir álemdik Times higher education reıtınginde óz kórsetkishterin aıtarlyqtaı jaqsartty. Bul - eki bedeldi reıtıng. Osynyń barlyǵy qazaqstandyq joǵary bilimniń halyqaralyq deńgeıde tanyla bastaǵanynyń dáleli. Álemdik reıtıngterde kóterilý – qazaqstandyq bilim sapasynyń jaqsarǵanynyń jáne ýnıversıtetterdiń joǵary mártebesiniń aıqyn kórsetkishi. Ýnıversıtetterdi transformasııalaý, sondaı-aq oqytýshylar men ǵalymdardyń belsendi jumysynyń arqasynda oń nátıjelerge qol jetkizildi», dedi mınıstrliktiń Joǵary jáne joǵary oqý ornynan keıingi bilim departamentiniń dırektory Gúljan Jarasova.