SQO joldarynda jyl basynan 400-den astam mas júrgizýshi ustaldy, dep habarlaıdy Egemen.kz Polisia.kz-ke silteme jasap.
Soltústik Qazaqstan oblysynyń joldarynda jyl basynan 456 mas júrgizýshi ustaldy. SQO PD Jergilikti polısııa qyzmeti basqarmasynyń qyzmetkerleri osyndaı faktilerdi anyqtaý jáne jolyn kesý úshin maqsatty jumystar júrgizýde.
Maýsymnyń 9 kúni keshke Petropavl qalasy PB patrýldik polısııa batalonynyń qyzmetkerleri Naberejnaıa-Hımenko kósheleriniń qıylysynda Toyota kóligin toqtatqan. Júrgizýshi alkogoldik masań kúıde bolǵan. Polıseıler QR Ákimshilik quqyq buzýshylyq týraly kodeksiniń 608-baby boıynsha materıal jınady. Sot 43 jastaǵy qala turǵynyn jeti jylǵa kólik júrgizý quqyǵynan aıyrdy, sonymen qatar ol 15 táýlikke ákimshilik qamaqqa alyndy.
Oblysta jyl basynan mas júrgizýshilermen jasalǵan 8 jol-kólik oqıǵasy tirkeldi. Barlyǵy 96 jol apaty oryn alyp, onyń saldarynan 15 adam qaza tapqan, 142 adam jaraqat aldy.
«Oblys turǵyndary men qonaqtaryn jolda abaı bolýǵa shaqyramyz. Jol qozǵalysy erejelerin saqtap, jyldamdyqty asyrmaýǵa keńes beremiz. «Mas júrgizýshi – qylmysker!» ekenin esterińizden shyǵarmańyz», dedi SQO PD Jergilikti polısııa qyzmeti basqarmasynyń bastyǵy Aıdyn Baımatov.