19 maýsym kúni Nur-Cultan qalasynda cport jáne salaýatty ómir saltyn ustanatyndar úshin Nur-Sultan Half Marathon júgirý jarysy ótedi. Júgirý jarysy Qazaqstan Live Fest halyqaralyq týrızm, sport jáne belsendi ómir salty kórmesi bolyp jatqan EXPO halyqaralyq kórme ortalyǵynyń aýmaǵynda ótedi. Jarysty jyl saıynǵy «Almaty marafonynyń» uıymdastyrýshysy «Birinshi bolý batyldyq» korporatıvtik qory ótkizedi, dep jazady Egemen.kz.
Marafon mynadaı qashyqtyqtarda ótedi: 21,1 km, 10 km jáne 10 km qashyqtyqqa skandınavııalyq júris. Qatysýshylar ortalyq kóshelermen júgirip ótip, elordanyń kórikti oryndaryn – NUR ALEM bolashaq energııasy murajaıyn, Báıterek, Han Shatyr, Táýelsizdik saraıyn, Botanıkalyq baqty jáne t.b. kóre alady. Qatysýshylardyń boljamdy sany – 4 myń adam.
Nur-Sultandaǵy jarys tegis trassada ótetinimen erekshelenedi. Qatysýshylar men jankúıerler úshin úlken oıyn-saýyq baǵdarlamasy ázirlenip jatyr. Barlyq qatysýshylarǵa máreshi medali beriledi. Absolıýtti sanattaǵy 21 shaqyrymǵa júgirgen erler men áıelder arasyndaǵy eń júırikteri aqshalaı syılyqtarmen marapattalady: 1 oryn – 450 000 teńge, 2 oryn – 400 000 teńge, 3 oryn – 350 000 teńge. 21 km jáne 10 km qashyqtyqqa júgiretin belgili bir jas sanatyndaǵy jeńimpazdar seriktesterden syılyqtar alady.
Jarystyq nómirler 17-18 maýsymda saǵat 10:00-den 20:00-ge deıin EHRO HKO-da Qazaqstan Live Fest kórmesi kezinde beriledi. Jarys kúni nómirler berilmeıdi.