Besqaraǵaı aýdanynda Jetijar aýylynan 30 shaqyrym jerdegi «Grachev ormanshylyǵy» Dolon fılıalynyń terrıtorııasynan órt shyqty, dep habarlaıdy Egemen.kz.
Shyǵys Qazaqstan oblysy TJD baspasóz qyzmetiniń málimetinshe, shamamen 20 gektar alqapta qurǵaq shóp pen aǵashtar órtendi. Jaqyn eldi mekenderge qaýip tónip turǵan joq. О́rtti sóndirýge ShQO TJD-nyń 11 qyzmetkeri, úsh tehnıkasy, orman sharýashylyǵynyń 30 qyzmetkeri men 11 tehnıkasy jumyldyrylǵan.
Qutqarýshylarǵa Semeı qalasynan quramynda 18 adamy bar kolonna men tórt órt sóndirý kóligi, sondaı-aq jyljymaly baılanys toraby qosymsha kómekke shyqqan.