QR Ulttyq qaýipsizdik komıteti esirtki jáne psıhotroptyq zattardyń taralýyna qarsy is-qımyl sheńberinde halyqaralyq jáne respýblıkalyq deńgeıdegi esrtki joldaryn kesý boıynsha jedel-izdestirý is-sharalaryn júzege asyrdy, dep habarlaıdy Egemen.kz.
Vedomstvonyń baspasóz qyzmeti málim etkendeı, osy jyldyń maýsym aıynda UQK 21 esirtkige qarsy operasııa, onyń ishinde Reseı, Qyrǵyzstan jáne О́zbekstannyń arnaıy qyzmetteri men quqyq qorǵaý organdarymen birlesip júrgizdi.
«Esirtki trafıginiń 6 halyqaralyq jáne 12 óńirlik arnasy joıyldy. Sıntetıkalyq esirtki óndiretin 3 jasyryn zerthananyń qyzmeti beıtaraptandyryldy.
Arnaıy operasııalar barysynda esirtki qurylymynyń 31 qatysýshysy ustaldy. Zańsyz aınalymnan 120,6 kg esirtki, onyń ishinde 61,8 kg sıntetıkalyq esirtki (206 myń «bir rettik dozaǵa» balamaly), 6 kg marıhýana, 52,7 kg gashısh tárkilendi», dep atap ótti UQK ókilderi.
Budan basqa, psıhotroptyq zattardy daıyndaýǵa arnalǵan 6000 ekstazı tabletkasy jáne 2 tonnadan astam hımııalyq reagentter aınalymnan shyǵaryldy.
«Maýsym aıynda alynǵan esirtkiniń jalpy somasy «qara naryqta» 1,3 mlrd teńgeden astam somaǵa baǵalanady. Halyqaralyq esirtki bıznesine qarsy is-sharalar jalǵasyp jatyr», delingen habarlamada.