Pavlodar oblysynyń 42 jastaǵy turǵyny 11 jylqy urlaǵan, dep habarlaıdy Egemen.kz.
20 shilde kúni polısııaǵa Pavlodar aýdanynyń 41 jastaǵy aýyl turǵyny júgindi. Ol 11 bas jylqy urlanǵany týraly habarlady. Shyǵyn 4 700 000 teńgeni qurady.
Anyqtalǵandaı, jylqylar qaraýsyz jaıylyp júrgen. 6 kún boıy ıesiniń óz kúshimen izdeýi sátsiz boldy. Urlyq faktisi boıynsha jedel-izdestirý is-sharalary uıymdastyrylyp, ótkizildi, nátıjesinde polısııa qyzmetkerleri Pavlodar aýdanynyń 42 jastaǵy turǵynyn anyqtap, ustady.
Atalǵan fakti boıynsha QR QK 188-1-baby (Mal urlyǵy) boıynsha sotqa deıingi tergeý amaldary júrgizilýde. Budan basqa, ustalǵan adamǵa qatysty osyndaı qylmystardy jasaýǵa qatystylyǵy tekseriledi.