Qyzylorda oblysynda qoǵamdyq tamaqtaný nysandarynan mıkrobıologııalyq kórsetkishterge baılanysty 129 synama alynyp, saraptamaǵa joldandy. Tekseris nátıjelerine sáıkes, olardan 11 sáıkessizdik anyqtaldy, dep habarlaıdy Egemen.kz.
Qyzylorda oblysynyń sanıtarııalyq-epıdemıologııalyq baqylaý departamentiniń mamandary tıisti tekserý jumystaryn júrgizgen edi. Mamandar tarapynan taǵamdardan sanıtarııalyq-hımııalyq zertteýge alynǵan 60 synamanyń 22-si daıyn taǵam ónimderiniń qunarlyǵy talapqa sáıkes bolmaı shyqty.
«Densaýlyq saqtaý uıymdaryndaǵy, vahtalyq kentterdegi, qurylys alańdaryndaǵy, ónerkásiptik nysandardyń ashanalaryna erekshe tártip boıynsha tekserý júrgizildi. Shara barysynda ishek taıaqshalary toby bakterııalaryn anyqtaý úshin barlyǵy 170 shaıyndy alynyp, olardyń 10-ynan sáıkessizdik anyqtaldy. Al sanıtarııalyq-hımııalyq kórsetkishter boıynsha tamaq ónimderiniń 5 synamasy belgilengen normalarǵa saı bolmaı shyqty», delingen vedomstvonyń baspasóz qyzmeti taratqan habarlamada.
Vedomstvo málimetinshe, sanıtarııalyq qaǵıdalardy buzý boıynsha jaýapty azamattarǵa QR Ákimshilik quqyq buzýshylyq týraly kodeksi 425-babynyń 1-tarmaǵyna sáıkes ákimshilik quqyq buzýshylyq týraly 25 hattama toltyryldy. Olarǵa qysqartylǵan óndiris tártibinde 1,4 mln teńge kóleminde aıyppul salyndy.