Býrabaıdaǵy Úlken Shabaqty kólinde balyq qyrylyp jatyr. Jergilikti turǵyndar men týrıster óli balyqtardy vıdeoǵa túsirip, áleýmettik jelige jarııalady, dep habarlaıdy Egemen.kz.
Aıtýlarynsha, arasynda iri balyq ta, shabaq ta kóp. Al aýmaqqa jaýapty «Býrabaı» Ulttyq tabıǵı parkiniń mamandary buny jappaı qyrylý dep aıtýǵa bolmaıdy deıdi. Sebebi sýdan synama alyp, quramynda zııandy zattardyń joqtyǵyn anyqtapty.
Jylda osy ýaqytta baldyr gúldep, kómirqyshqyl gazy bólinedi eken. Saldarynan sý jándigine ottegi jetispeı, birazy qyrylady dep otyr. Al mundaı qubylys tek sýdyń taıaz jerlerinde bolady. Degenmen, qazir sýdyń quramyn oblystyq ekologııa departamenti de tekserip jatyr. Nátıjesi birneshe kúnnen soń belgili bolady.