Búgin Pavlodarda 36 jastaǵy er adamnyń úıinen órt shyqty, dep habarlaıdy Egemen.kz.
24 tamyz kúni saǵat 04:14-te 101 nómirine Ertis baqshasynda saıajaıda órt shyqqany týraly habarlama kelip túsken. О́rt sóndirýshiler aýdany 30 sharshy metrdi quraıtyn bir qabatty kirpish úı tolyǵymen janyp ketkenin habarlady.
«Gaz-tútinnen qorǵaý qyzmeti 36 jastaǵy er adamnyń kúıip ketken máıitin tapty, sondaı-aq kúıik shalǵan 62 jastaǵy saıajaı ıesin birinshi qalalyq aýrýhanaǵa jatqyzdy», dep habarlady oblystyq tótenshe jaǵdaılar departamentiniń baspasóz qyzmeti.
Sonymen qatar shatyrdan 27 lıtrlik gaz ballony shyǵaryldy. О́rtti Pavlodar oblysy Tótenshe jaǵdaılar departamentiniń 11 qyzmetkeri eki arnaıy tehnıkanyń kómegimen sóndirdi. О́rttiń sebebi men keltirilgen zalal mólsheri anyqtalýda.