Elimizde geografııa páni muǵalimderi men oqýshylarǵa arnalǵan «Qyzyqty ǵylym» jobasy bastaldy, dep habarlaıdy Egemen.kz.
Atalǵan jobany «Shevron» kompanııasynyń qoldaýymen «KAZMEDIA HOLDING» júzege asyrýda. Bul bastama aıasynda ótkiziletin arnaýly semınarlarda muǵalimderge 134 jyldyq tarıhy bar, geografııa, jaratylystaný ǵylymdarynan bastap, ǵaryshty ıgerýge deıingi salalarda kópjyldyq halyqaralyq ǵylymı-zertteýler men foto-beıne derekterdiń baı qoryn qalyptastyrǵan National Geographic jýrnalynyń resýrstaryn tıimdi qoldaný ádisteri tanystyrylady. Nur-Sultan qalasyndaǵy geografııa muǵalimderine semınarlardyń alǵashqy bóligi 13 qyrkúıekte ótkiziledi.
Joba Prezıdent Qasym-Jomart Toqaevtyń tapsyrmasymen júzege asyrylyp jatqan «Oqýǵa qushtar mektep» bastamasyn qoldaý aıasynda atqarylyp jatyr.
Joba eki maqsatty kózdeıdi. Birinshisi - álemdik deńgeıdegi sapaly ǵylymı kontentterdiń qazaq tilindegi qoljetimdiligin keńeıtý. Bul rette kompanııa National Geographic jýrnalynyń qazaq tilindegi jıyntyq toptamalarymen respýblıka mektepteriniń kitaphanalaryn qamtamasyz etý jumystaryn atqarýda. «Shevron» kompanııasynyń atsalysýymen jyl sońyna deıin Batys Qazaqstan oblysynyń jáne Nur-Sultan, Almaty qalalarynyń mektepterine jýrnal toptamalary tegin tapsyrylady.
Jobanyń ekinshi maqsaty - qoǵamda ǵylymǵa degen qyzyǵýshylyqty, ynta-yqylasty arttyrý. Soǵan oraı, mektep muǵalimderi men oqýshylaryna arnaıy taqyryptyq semınarlar ótkizilip, álemdik ǵylymı-resýrstardy sabaq barysynda qalaı qoldanýǵa, oqýshylardy qalaı qyzyqtyrýǵa bolatynyn, al oqýshylarǵa ǵylymı jobalaryna qalaı durys paıdalaný kerektigin jan-jaqty túsindiriledi.
«Shevron» - dúnıejúzindegi jetekshi ıntegrasııalanǵan energetıkalyq kompanııalardyń biri. Biz tabysty da turaqty álem qurýda qoljetimdi, senimdi ári taza energııanyń róli zor dep sanaımyz. "Shevron" munaı men tabıǵı gaz shyǵarady, transporttyq otyn, janar-jaǵarmaı jáne munaıhımııa óndiredi, bıznes pen salany jetildiretin tehnologııalardy damytady. Biz óz operasııalarymyzdaǵy kómirtegi kólemin tómendetýge jáne dástúrli bıznes baǵyttarymyzben qatar kómirtegi az bıznesti damytýǵa umtylamyz. «Shevron» týraly qosymsha aqparatty www.chevron.com saıtynan tabýǵa bolady.
«KAZMEDIA HOLDING» kompanııasy baspa jáne medıa naryqta 2012 jyldan beri jumys isteıdi. Memlekettiń álemniń úzdik ádebı-ǵylymı jáne iskerlik kitaptaryn qazaq tilinde qoljetimdi etý bastamasyn qoldaý aıasynda «Drýker kúndeligi», «Shaǵyn bızneste qalaı kóp aqsha tabýǵa bolady?», «Oılan jáne baıy», «Qarjylyq táýelsizdikke jol», «Jetistikke jetkenderdiń jeti daǵdysy» syndy qarjy-ekonomıka salasyndaǵy tanymal týyndylardy qazaq tiline aýdaryp, basyp shyǵarǵan.
Sondaı-aq 134 jyldyq tarıhy bar, geografııa, jaratylystaný ǵylymdarynan bastap, ǵaryshty ıgerýge deıingi salalarda kópjyldyq halyqaralyq ǵylymı-zertteýler men foto-beıne derekterdiń baı qoryn qalyptastyrǵan National Geographic jýrnalyn 2016 jyldan beri qazaq tilinde shyǵaryp, qazaqstandyq oqyrmandarǵa usynyp keledi.
О́tetin orny: 13 qyrkúıek, saǵat 15:00-de №72 mektep-lıseıinde, A.Baıtursynov k-si, 25, tel.: +7 747 607 0420, +7 701 964 0285