Qarjy mınıstri Erulan Jamaýbaev toǵyz aıdyń qorytyndysy boıynsha memlekettik bıýdjetke 11 trln 177 mlrd teńge kiris túskenin, jospar 104,8%-ǵa oryndalǵanyn habarlady, dep jazady Egemen.kz.
«Respýblıkalyq bıýdjetke 7,5 trln teńge tústi nemese jospar 101,9% oryndaldy. Tabys jospary 143 mlrd teńgege, onyń ishinde salyqtar - 55 mlrd teńgege, salyqtyq emes - 89 mlrd teńgege asyra oryndaldy», dedi Erulan Jamaýbaev.
Qarjy mınıstrligi basshysynyń málimetinshe, salyqtar boıynsha asyra oryndaýdyń negizgi somasy QQS boıynsha keledi.
QQS boıynsha jospardy asyra oryndaý faktorlary:
О́tken jyldyń uqsas kezeńimen salystyrǵanda osy jyldyń 9 aıynda taýarlardy, jumystardy jáne kórsetiletin qyzmetterdi ótkizý boıynsha aınalymdardy 24%-ǵa ulǵaıtý; QQS túsimderin 44%-ǵa ulǵaıtý; Úshinshi elderden ımport kólemin 26%-ǵa ulǵaıtý.