Semeı qalasyndaǵy turǵyn úılerde 675 jedelsaty bar. Olardyń 395-i qoldaný merziminen (25 jyl) asyp ketken. Sondaı-aq 47 turǵyn úıde jedelsaty múldem istemeıdi, dep habarlaıdy Egemen.kz.
Osyǵan baılanysty aımaqta kóppáterli turǵyn úılerdi jańǵyrtý baǵdarlamasy ázirlengen. Atalǵan baǵdarlama boıynsha páter, turǵyn emes úı-jaılardyń ıeleri memleket kómeginiń arqasynda jedelsatylardy aýystyra alady. Iаǵnı, memleket tarapynan quny tólengen soń, turǵyndar ortaq múliktegi úlesine sáıkes 7 jyl ishinde qarajatty qaıtaratyn bolady.
Jedelsatylardy aýystyrý úshin turǵyndar baǵdarlamaǵa qatysýǵa ótinim berýi kerek.