Polıseıler elorda turǵynynan esirtkiniń iri partııasyn tárkiledi, dep habarlaıdy Egemen.kz.
Jedel-izdestirý is-sharalary barysynda polısııa qyzmetkerleri 34 jastaǵy elorda turǵynyn ustady, odan 200 gramnan astam gashısh tárkiledi.
«Kúdikti elorda turǵynynan úıinde belgisiz bireýdiń esirtki saqtaıtyny týraly habarlama túskennen keıin ustaldy. Tárkilengen esirtki zaty oralyp, ári qaraı satýǵa daıyndaldy. Sondaı-aq tintý kezinde er adamnan esirtki qabaty bar elektrondy tarazy tárkilendi. Esirtki saqtaý faktisi boıynsha QR Qylmystyq kodeksiniń 296-baby boıynsha sotqa deıingi tergeý amaldary júrgizilýde», dep habarlady PD baspasóz qyzmeti.
Polısııanyń málimetinshe, jyl basynan beri elordada zańsyz aınalymnan 250 keliden astam túrli esirtki túrleri tárkilense, onyń 119 kelisi gashısh.