Memleket basshysy «Raqymshylyq jasaý týraly» Qazaqstan Respýblıkasynyń zańyna qol qoıdy, dep habarlaıdy Egemen.kz Prezıdenttiń baspasóz qyzmetine silteme jasap.
Eske salsaq, Memleket basshysy Qasym-Jomart Toqaev 2022 jylǵy 1 qyrkúıektegi Joldaýynda qańtar oqıǵasyna qatysýshylarǵa raqymshylyq jasaıtyny týraly málimdegen.
«Men qańtar oqıǵasyna qatysýshylarǵa bir rettik raqymshylyq jarııalaý týraly sheshim qabyldadym. Biz adamgershilik tanyta otyryp, osy qaıǵyly oqıǵadan tıisti qorytyndy jasaımyz. Mundaı jaǵdaı endi eshqashan qaıtalanbaıdy. Buǵan jol bermeımiz», degen edi Prezıdent.
Zańnyń mátini baspasózde jarııalanady.