Kárim Másimov alqabıler sotyna júgine almaıdy. Bul týraly QR Joǵarǵy Sotynyń qylmystyq ister jónindegi sot alqasynyń tóraǵasy Ábdirashıt Júkenov málimdedi, dep habarlaıdy Egemen.kz.
«Bul zańmen rettelýi kerek. Biz zań boıynsha jumys isteımiz. Kez-kelgen memlekette ulttyq qaýipsizdikti qorǵaý talaptary bar jáne memleket keıbir aqparatty qupııalandyrýǵa quqyly», dedi Ábdirashıt Júkenov májilis aıasynda jýrnalısterdiń suraqtaryna jaýap bere otyryp.
Sonymen qatar, ol bul is boıynsha qosymsha aqparat beriletinin aıtty.
Buǵan deıin Bas prokýratýra ulttyq qaýipsizdik komıtetiniń burynǵy basshylyǵyna qatysty qylmystyq isti zerdeleý nátıjeleri boıynsha tergeý organynyń aıyptaý aktisin bekitkeni týraly habarlanǵan edi. Qylmystyq is Astananyń qylmystyq ister jónindegi mamandandyrylǵan aýdanaralyq sotyna joldandy.