Memleket basshysynyń jarlyǵymen Nurjan Moldııaruly Nurjigitov Jambyl oblysynyń ákimi laýazymyna qaıta taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
«Nurjan Moldııaruly Nurjigitov Jambyl oblysynyń ákimi laýazymyna taǵaıyndalsyn», delingen habarlamada.
Nurjan Nurjigitov 1967 jyly dúnıege kelgen, bilimi joǵary. 1991 jyly Eńbek Qyzyl Tý ordendi Lenıngrad aýylsharýashylyq ınstıtýtyn «Injener-mehanık», 2008 jyly Jambyl gýmanıtarlyq tehnıkalyq ýnıversıtetin «Ekonomıka» mamandyqtary boıynsha bitirgen.
Tehnıka ǵylymdarynyń kandıdaty, Qazaq ulttyq agrarlyq ýnıversıtetiniń qurmetti professory. Eńbek jolyn 1991 jyly Jýaly aýdany Maksım Gorkıı atyndaǵy kolhozynda mehanık bolyp bastaǵan.
Ár jyldary Tóle bı atyndaǵy agrobirlestiktiń bas ınjeneri, Jýaly aýdany ákimi apparatynyń mamany, bas mamany, bólim meńgerýshisi, Jýaly aýdany ákimdiginiń kásipkerlik bóliminiń basshysy, Jambyl oblysy ákimi apparatynyń bas ınspektory, bólim meńgerýshisi, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń orynbasary, basqarma basshysy, Jambyl oblysy ákimdiginiń aýyl sharýashylyǵy basqarmasynyń basshysy, Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy qyzmetterin atqarǵan. Baızaq aýdanynyń ákimi bolǵan.
2021 jyldyń sáýir aıynda Jambyl oblysy ákiminiń orynbasary qyzmetine taǵaıyndaldy.