Semeıde polıseıler joǵalǵan jasóspirimdi taýyp, týystaryna tapsyrdy, dep habarlaıdy Egemen.kz Polisia.kz-ke silteme jasap.
17 qańtarda 102 jedel arnasyna 39 jastaǵy jergilikti turǵynnyń 13 jasar ulyn izdeýge kómek suraǵan qońyraýy kelip túsken. Onyń aıtýynsha, bala úıden saǵat 07:40-ta shyǵyp, mektepke qaraı baǵyt alǵan. Dabyl sıgnaly boıynsha Abaı oblysy Polısııa departamentiniń qurylymdyq bólimsheleriniń barlyq jeke quramy izdeýge kirisken.
Tártip saqshylary mektep oqýshysynyń tanystary men kýágerlerinen jaýap alyp, irgeles aýmaqtardy muqııat zerttedi. Ár aýmaqqa bólinip, ár aýlaǵa tintý jumystary júrgizildi.
Izdeý barysynda polısııa qyzmetkeri Mıchýrın kóshesinde joǵalyp ketken kámeletke tolmaǵan balany taýyp, anasyna tapsyrdy.