Qazaqstannyń Aýstrııadaǵy elshisi Álibek Baqaev Aýstrııa Parlamenti Ulttyq jınalysynyń depýtaty, «Aýstrııa-Ortalyq Azııa» parlamentaralyq dostyq tobynyń jetekshisi jáne EQYU Parlamenttik assambleıasynyń múshesi Eva Ernst-Djıdzıchpen kezdesti, dep habarlaıdy Egemen.kz.
Suhbat barysynda eki memlekettiń zań shyǵarýshy organdary arasyndaǵy, onyń ishinde parlamentaralyq uıymdardyń alańdaryndaǵy yntymaqtastyq máseleleri talqylandy.
Á. Baqaev Qazaqstan men Aýstrııa arasyndaǵy joǵary deńgeıdegi dıalogtyń jemisti damýyn, yntymaqtastyqtyń barlyq salalaryndaǵy ekijaqty qarym-qatynastarynyń tereńdeýin atap ótti. Elshi depýtattyq «dostyq toptary» mańyzdy ról atqaratyn parlamentaralyq baılanystardyń mańyzdylyǵyna toqtaldy, sondaı-aq Qazaqstandaǵy aýqymdy demokratııalyq jáne áleýmettik-ekonomıkalyq ózgerister, onyń sheńberinde Qazaqstan Parlamentiniń ókilettikteri keńeıtilip, el ómirindegi saıası partııalardyń róli artyp kele jatqanyn habardar etti.
О́z kezeginde E. Ernst-Djıdzıch aýstrııalyq taraptyń Qazaqstanmen parlamentaralyq dıalogty, onyń ishinde parlamenttik «dostyq toptarynyń» ózara saparlary arqyly jandandyrýǵa múddeliligin rastady. Aýstrııalyq depýtattarmen kelissózder júrgizý maqsatynda qazaqstandyq áriptesterdi qabyldaýǵa daıyn ekenin bildire otyryp, sapar aıasynda eki memleket arasyndaǵy ekonomıkalyq baılanystardy keńeıtýge jáne tereńdetýge yqpal etetin ulttyq úkimet múshelerimen kezdesýler uıymdastyrýdy usyndy. Sonymen qatar ol Qazaqstan Aýstrııanyń Ortalyq Azııa óńirindegi jetekshi saıası jáne saýda-ekonomıkalyq áriptesi ekenin, sondaı-aq óz eliniń energetıkalyq qaýipsizdigin qamtamasyz etý isine eleýli úles qosatynyn atap ótti.
Buǵan qosa, aýstrııalyq depýtat aldaǵy Qazaqstan Respýblıkasy Parlamenti Májilisiniń saılaýyna baıqaýshy retinde qatysýǵa múddeli ekenin bildirdi.
Taraptar halyqaralyq kún tártibindegi ózekti máselelerdi sheshýdegi halyq qalaýlylarynyń róli men járdemdesý jóninde pikir almasty.
Kezdesý sońynda Qazaqstan-Aýstrııa parlamentaralyq yntymaqtastyǵyn belsendi túrde ilgeriletý úshin turaqty baılanystardy qoldaýǵa kelisti.