Prezıdent Ákimshiligimen kelise otyryp, Batys Qazaqstan oblysy ákiminiń ókimimen Baltaev Erjan Talǵatuly oblys ákiminiń orynbasary bolyp taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Erjan Baltaev 1983 jyly dúnıege kelgen. Bilimi joǵary, Qazaqstan-Brıtan tehnıkalyq ýnıversıtetin, Qazaq gýmanıtarlyq zań ýnıversıtetin, Ulybrıtanııanyń Aberdın ýnıversıtetin quqyqtaný, bıznesti basqarý mamandyqtary boıynsha bitirgen.
Eńbek jolyn 2004 jyly Astana qalasyndaǵy jyljymaıtyn múlik ortalyǵynyń mamany bolyp bastaǵan.
Ár jyldary «CAPS Distribution» kompanııasynda zańger bolyp jumys istedi; zańger, TAIB Kazakh Bank departamentiniń dırektory; ulttyq menedjer, BUU Damý baǵdarlamasynyń baǵdarlamalar úılestirýshisi; «Oral» áleýmettik-kásipkerlik korporasııasynyń basqarma tóraǵasy; Qazaqstan Respýblıkasy Ádilet mınıstrligi departamentiniń basshysy; KPO B.V. kompanııasynyń joba menedjeri; «TENDEU» halyqaralyq arbıtraj agenttiginiń dırektory; «Astana Invest» qalalyq ınvestısııalyq damý ortalyǵynyń basqarma tóraǵasy bolyp qyzmet atqarǵan.
2021 jyldan bastap Astana qalasynyń Investısııalar jáne kásipkerlikti damytý basqarmasynyń basshysy qyzmetin atqardy.
Baltaev Erjan Talǵatuly kásipkerlik jáne ındýstrııalyq-ınnovasııalyq damý, qurylys, qarjy, jolaýshylar kóligi jáne avtomobıl joldary, memlekettik sáýlet-qurylys baqylaýy, energetıka jáne turǵyn úı-kommýnaldyq sharýashylyq máselelerine jetekshilik etetin bolady.