Almaty oblysyndaǵy Qaskeleń ózeniniń arnasynda «Sary Arqa» shıpajaıynyń aýdanynda uzyndyǵy 300 m-den asatyn muz qubylystary esebinen sý deńgeıiniń kóterilýi baıqaldy, dep habarlaıdy Egemen.kz.
«24 qańtarda saǵat 09:00-de Almaty oblysy TJD pýltine Qarasaı aýdany Qaskeleń ózeniniń arnasynyń muzdanýy oryn alǵany týraly habarlama kelip tústi. Almaty oblysyndaǵy Qaskeleń ózeniniń arnasynda «Sary Arqa» shıpajaıynyń aýdanynda uzyndyǵy 300 m-den asatyn muz qubylystary esebinen sý deńgeıiniń kóterilýi baıqaldy», delingen Almaty oblysy TJD baspasóz qyzmetiniń habarlamasynda.
Vedomstvo málimetinshe, sý deńgeıiniń kóterilýin turaqtandyrý jáne seń júrýin boldyrmaý úshin ózen arnasyn muz qubylystarynan tazartý boıynsha aldyn alý jumystary júrgizilgen. Qazseldenqorǵaýdan mamandandyrylǵan tehnıka Kamaz bazasyndaǵy ekskavator (gredola), jedel avtomobıl jáne avarııalyq-mehanıkalandyrylǵan brıgada qyzmetkerleri jumyldyrylǵan.12:20-da qabyldanǵan sharalarmen Qaskeleń ózeniniń arnasyn tazartý jumystary aıaqtaldy, jaǵalaý syzyǵynan tys sýdyń tolyp ketý qaýpi joq, sý deńgeıi tómendedi. Sý basý qaýpi joıyldy.