Shymkentte jyl basynan beri 455 avtokólik aıypturaqqa qoıyldy, dep habarlaıdy Egemen.kz Polisia.kz saıtyna silteme jasap.
Elimizde jol qozǵalysy erejelerin óreskel buzýshylardy der kezinde anyqtaý maqsatynda «Qorǵaý – qaýipti júrgizýshi» baǵdarlamasy iske qosylyp, óz nátıjesin berip jatyr. Osy rette Shymkent qalasynyń polıseıleri jańa baǵdarlama arqyly quqyq buzýshylyqtardy anyqtap, aldyn alyp keledi.
Qańtar aıynan bastap «Qorǵaý – qaýipti júrgizýshi» baǵdarlamasy aıasynda Shymkentte 21 myńnan astam ákimshilik quqyq buzýshylyq tirkeldi. Onyń ishinde jalǵan memlekettik nómir taǵyp júrgen – 4, avtokólik terezesin kúńgirttep alǵan – 151, tıisti ruqsatsyz qaıta jabdyqtalǵan kólik quralyn basqarǵan – 121 tulǵaǵa ákimshilik hattama toltyryldy. Sondaı-aq qozǵalystyń qarsy jolaǵyna shyqqan – 23, baǵdarshamnyń tyıym salynǵan túsine (sıgnalyna) ótip ketken – 133, jaıaý júrginshige basymdyq bermegen – 75, kólik quralyn basqarýǵa quqyǵy joq 30 júrgizýshi anyqtaldy. Sondaı-aq basqarý quqyǵynan aıyrylǵan – 7, ózge de quqyq buzýshylyqtar boıynsha – 20 776 hattama toltyrylyp, 455 avtokólik aıypturaqqa qoıyldy.
Aıta ketsek, «Qorǵaý – qaýipti júrgizýshi» baǵdarlamasynyń kómegimen 26 táýliktiń ishinde 276-dan astam jol qozǵalysy erejesin buzǵan 101 júrgizýshi ustaldy.