Peshavar qalasyndaǵy meshitte bolǵan lańkestik áreketten qaza tapqandar sany 72-ge deıin ósti, dep habarlaıdy, Egemen.kz.
Polısııanyń málimetinshe, jarylys meshittiń ortalyq zalynda saǵat 13.00-de bolǵan. Qaýipsizdik qyzmetkerleriniń aıtýynsha, terorıst namaz kezinde ózin-ózi jaryp jibergen. Sahıbzada meshitiniń ımamy Nur ýl Amın de jarylystan qaza tapqan.
Shabýyl úshin jaýapkershilikti tyıym salynǵan «Tehrık-ı-Talıban Pákistan» (TTP) toby óz moınyna alǵan.
Peshavardaǵy polısııa beketiniń aýmaǵyndaǵy meshittegi jarylys qurbandarynyń sany 72 adamǵa deıin ósken. Qutqarýshylar úıindi astynan taǵy toǵyz máıitti alyp shyqqan.
Ýaqytsha bas mınıstr Muhammed Azam Han 31 qańtardy provınsııada shabýylǵa baılanysty aza tutý kúni dep jarııalady. Memlekettik tý búkil jerde túsiriledi. Ýaqytsha úkimet basshysy zardap shekken otbasylarǵa kómek kórsetiletinin aıtty.
«Shabýylǵa baılanysty tergeý isteri jalǵasyp jatyr. Biz jankeshtiniń qaıdan shyqqanyn jáne onyń qalaı kirgenin bilmeımiz. Polısııa bólimsheleriniń ishinde otbasylyq úıler bar jáne shabýyldaýshy bul aımaqta turyp jatqan bolýy múmkin», dedi Haıber-Pahtýnhva provınsııasynyń polısııa bas ınspektory Moazzam Djah Ansarı.
Kvartaldyń bas ınspektory bergen habarlamaǵa sáıkes, qonaqtardyń Peshavar polısııa bólimshelerine kirýine tyıym salyndy jáne tártip buzylǵan jaǵdaıda qatań sharalar qabyldanady.
Aýrýhananyń baspasóz hatshysy Redıng Muhammed Asım jarylystan keıin 157 jaralanǵan adam medısınalyq mekemege jetkizilgenin habarlady.
«44 adamnyń denesi de aýrýhanaǵa jetkizildi. Qazirgi ýaqytta zardap shekkenderdiń 65-ke jýyǵy Redıng aýrýhanasynda emdelip jatyr. Olardyń keıbireýleriniń jaǵdaıy óte aýyr, al kópshiliginiń jaǵdaıy jaqsaryp keledi», dedi Muhammed Asım. Jaralanǵandar men qaza tapqandardyń kópshiligi polısııa qyzmetkerleri.
Budan buryn Peshavarda meshittegi jarylystan 30-dan astam adam qaza tapqany týraly habarlanǵan bolatyn.
Aıtolǵan JÚNISHAN,
L.N. Gýmılev atyndaǵy EUÝ stýdenti