Senator Bekbol Orynbasarov Beıneý aýdanyn ekologııalyq apat aımaǵy dep tanýdy usyndy. Onyń aıtýynsha, halyq densaýlyǵynyń nasharlaýy, topyraqtyń tuzdanýy men shańdy daýyl Aral teńiziniń qurǵaýy saldarynan týyndaǵan, dep habarlaıdy Egemen.kz.
Senatordyń aıtýynsha, aýdan turǵyndarynyń quqyqtary jetkilikti qorǵalmaǵan. Aral óńiriniń qazaqstandyq bóligi ekologııalyq apat aımaǵy bolyp tanyldy, oǵan Qyzylorda oblysynyń Aral jáne Qazaly aýdandary, sondaı-aq Aqtóbe oblysynyń Shalqar aýdany kirdi.
«Tabıǵı ómir súrý jaǵdaılarynyń nasharlaýy nátıjesinde aýdan turǵyndarynda onkologııa, týberkýlezben syrqattanýshylyqtyń ósýi baıqalady. Sondaı-aq jergilikti turǵyndar allergııa, gıpertonııa, asqazan-ishek aýrýlary jáne anemııa belgilerine shaǵymdana bastady. Ana men bala ólimi de beleń alyp barady. Aral teńizinen zardap shekken aýdandardy anyqtaý jónindegi komıssııa qurý, aýmaqtardyń ekologııalyq jaı-kúıine taldaý júrgizý qajet. Sondaı-aq Mańǵystaý oblysy Beıneý aýdanynyń aýmaǵyn zańnamada kórsetilgen ekologııalyq aımaq sanatyna jatqyzý qajet», dedi Bekbol Orynbasarov.
Mamandardyń aıtýynsha, qazirgi ýaqytta teńizdegi sý deńgeıi 48 sm-ge deıin kóterilgen.