Bıyl úıirli shegirtke zııankesterimen kúresýge respýblıkalyq bıýdjetten 3,8 mlrd teńge bólindi, dep habarlaıdy Egemen.kz AShM mınıstrligi baspasóz qyzmetine silteme jasap.
Mamandardyń boljamy boıynsha shegirtke 1,6 mln ga aýmaqqa taralýy múmkin. Búgingi tańda 385,3 myń ga alańda pestısıdterdiń qajetti qory qalyptastyryldy.
Ákimdiktermen birlesip óńirlerde jedel shtabtar qurylyp, monıtorıng jáne hımııalyq óńdeý jónindegi jumys jospary bekitildi.
Aýmaqtardy óńdeýge mamandandyrylǵan tehnıka, onyń ishinde jer ústi jáne áýe kóligi jumyldyrylady.
Búgingi tańda Túrkistan oblysynda marokkalyq shegirtke dernásilderiniń paıda bolǵany anyqtaldy. Aımaqqa pestısıdter tolyǵymen jetkizildi. 8-9 sáýirde óńdeý is-sharalaryn bastaý josparlanyp otyr.
Basqa aımaqtarda jerdi hımııalyq óńdeý jumystary shegirtkelerdiń taralý oshaqtary anyqtalǵan kezde bastalady. Kórshiles memlekettermen shekaralas aýmaqtarda birlesken zertteýler júrgiziledi. Bul týraly AShM mamandary Reseı, Qytaı jáne О́zbekstan memleketterindegi áriptesterimen aldyn ala kelisti.