Bul týraly Memleket basshysy Qasym-Jomart Toqaev «Kóppolıarly álemdegi eýrazııalyq ıntegrasııa» atty Eýrazııalyq ekonomıkalyq forýmda aıtty, dep habarlaıdy Egemen.kz.
«Jahandyq taýar aǵyndarynyń aıtarlyqtaı ózgergen kórinisin eskere otyryp, qazir barlyq aımaqta múmkindiginshe jańa baǵyttardy baqylaý men qurý óte mańyzdy. Bizdiń Shyǵysymyzda kontınenttik strategııalyq baılanysty qurý jónindegi jarqyn jáne aýqymdy bastamalardyń biri – Qytaıdyń «Beldeý jáne jol» jobasy.
Soltústik-Ońtústik jelisi boıynsha saýda-ekonomıkalyq ózara is-qımylǵa suranys birneshe ese kúsheıe tústi. Biz osy prosesterdiń ortalyǵyndamyz», dedi Memleket basshysy.