Elimizdiń tarıhı astanasy sanalatyn kıeli Túrkistanda Ulttyq quryltaıdyń kezekti otyrysy bastalady. Alǵashqy Quryltaı ısi qazaqtyń altyn besigi atanǵan Ulytaýda ótken bolatyn.
Quryltaı degen sóz qazaqqa bóten emes. Qazaq qazaq bolǵaly, eldiń, jerdiń ózge de keleli máselelerdi sheshý úshin úsh júzdiń basyn qosqan alqaly jıyn – Quryltaı ótip turǵan.
Byltyr Prezıdent Qasym-Jomart Toqaevtyń bastamasymen Ulttyq qoǵamdyq senim keńesi taratylyp, onyń ornyna Ulttyq quryltaı qurylǵan edi. Kıeli Túrkistan jerinde ótetin quryltaıdyń ekinshi jıynynda qaralatyn, talqyǵa salynatyn dúnıe kóp. Eń bastysy, memlekettiń damýy, eldiń tutastyǵy, jerdiń bútindigi sóz bolary anyq. О́ıtkeni qazirgi halyqaralyq saıasat ýshyǵyp turǵan kezde aınalamyzda bolyp jatqan oqıǵalardy saraptap, soǵan saı ózimizdiń baǵyt-baǵdarymyzdy tarazylap otyrǵannan utylmaımyz. Quryltaıǵa qoǵam belsendisi, partııanyń basshysy retinde shaqyrylyp otyrmyn. Reti kelse, Quryltaıda biz de óz oıymyzdy aıtyp, usynysymyzdy ortaǵa salamyz.
Azamathan ÁMIRTAI,
Ulttyq quryltaı múshesi