Ekologııa jáne tabıǵı resýrstar mınıstri Zúlfııa Súleımenova óziniń Instagram paraqshasynda Pavlodar oblysyndaǵy keýip bara jatqan Korıakovka kóli týraly jazdy, dep habarlaıdy Egemen.kz.
Áleýmettik jelide adamdar Korıakovka kólin qoldan qurǵatyp, túbindegi tuzdy qap-qap qyp áketip jatqany týraly aqparat tarady. Mınıstr bul jaǵdaıǵa baılanysty pikir aıtty.
«Qazir ekologııa komıteti, Pavlodar oblystyq tabıǵı resýrstar jáne tabıǵatty paıdalanýdy retteý basqarmasy, ekologtar jáne qoǵam belsendileri qatysyp, komıssııa qurylyp jatyr. Olar Korıakovka kólin tekseredi. Bul — Qazaqstandaǵy ekinshi qyzǵylt tústi sırek kól. Komıssııa jumysynyń nátıjesi ekologııa jáne tabıǵı resýrstar mınıstrliginiń saıtyna jáne BAQ-ta jarııalanady», dep jazdy Zúlfııa Súleımenova.
Komıssııa barlyq uıymdastyrý jumysy aıaqtalǵan soń seısenbi kúni jolǵa shyǵady.