Pavlodar oblysynyń Baıanaýyl aýdanynda ótken Máshhúr Júsip Kópeıulynyń 165 jyldyǵyna arnalǵan jıynda Aqparat jáne qoǵamdyq damý mınıstri Darhan Qydyráli arnaıy sóz sóıledi, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
«Memleket basshysy Qasym-Jomart Kemeluly Toqaev Túrkistanda ótken Ulttyq quryltaıda sóılegen sózinde: «Ádiletti Qazaqstandy Adal azamattar qurady. Bul – bir-birimen óte tyǵyz baılanysty uǵymdar. Otanǵa, otbasyna adaldyq – parasattylyq pen adamgershiliktiń belgisi», dep atap kórsetip, «adal azamat» konsepsııasyn alǵa tartqany belgili. Sonaý ilki ǵasyrlardan bastaý alǵan «kemel adam» ilimi men «tolyq adam» ustynynan tamyr tartyp, ulttyń bolmysyn qalyptastyratyn osy ulttyq qasıetterdiń asyl arqaýyn jalǵaǵan biregeı abyzdarymyzdyń biri Máshekeń dep sanaımyz», dedi mınıstr.
Aıta ketelik, Baıanaýylda «Máshhúr jol» aýdıo kitaby, «Tańdamaly shyǵarmalar jınaǵy» 10 tomdyǵynyń tusaýy kesildi. Sondaı-aq aqyn rýhyna arnap as berilip, aqyndar aıtysy uıymdastyryldy.