Atalǵan kadrlyq taǵaıyndaý týraly Aqordanyń baspasóz qyzmeti jazdy, dep habarlaıdy Egemen.kz.
«Memleket basshysynyń Jarlyǵymen Svetlana Qabykenqyzy Jaqypova Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndaldy, ol burynǵy atqarǵan laýazymynan bosatyldy», delingen aqparatta.
Svetlana Qabykenqyzy 1968 jyly Qaraǵandy qalasynda dúnıege kelgen. 1991 jyly Selınograd Memlekettik pedagogıkalyq ınstıtýtyn, 2006 jyly Almaty Ekonomıka jáne statıstıka akademııasyn aıaqtady.
1984 – 1986 jyldary Qaroı bastaýysh mektebinde uzartylǵan kún tobynyń tárbıeshisi, bastaýysh synyptardyń muǵalimi bolyp jumys istedi.
1986 – 1991 jyldary – Selınograd Memlekettik pedagogıkalyq ınstıtýtynda oqydy.
1991 – 1995 jyldary - № 16 orta mektebinde, № 36 bastaýysh orta mektebinde matematıka pániniń muǵalimi boldy.
1997 – 1998 jyldary «Zeınetaqy tóleý jónindegi memlekettik ortalyq» RMKQ Aqmola qalalyq bólimshesi operasııalyq esep júrgizý bóliminiń aǵa mamany, bas mamany bolǵan.
1998 – 2001 jyldary «Zeınetaqy tóleý jónindegi memlekettik ortalyq» RMKQ Aqmola (Astana) qalalyq fılıalynyń ekonomıkalyq taldaý bóliminiń bas mamany, bastyǵy, fılıal dırektorynyń orynbasary qyzmetin atqardy.
2001 – 2008 jyldary «Zeınetaqy tóleý jónindegi memlekettik ortalyq» RMKQ Aqmola oblystyq fılıalynyń dırektory boldy.
2008 – 2011 jyldary Qazaqstan Respýblıkasy Eńbek jáne halyqty áleýmettik qorǵaý mınıstrligi Áleýmettik qamsyzdandyrý jáne áleýmettik saqtandyrý departamenti dırektorynyń mindetin atqarýshy, dırektory qyzmetin atqardy.
2011 – 2013 jyldary – «Ulttyq aqparattyq tehnologııalar» AQ Jobalaý ofısi baǵdarlamalar basshysy boldy.
2013 jylǵy 19 tamyzdan bastap 2014 jylǵy tamyzǵa deıin - Qazaqstan Respýblıkasy Eńbek jáne halyqty áleýmettik qorǵaý vıse-mınıstri.
2014 jylǵy tamyzdan bastap - Qazaqstan Respýblıkasy Densaýlyq saqtaý jáne áleýmettik damý vıse-mınıstri bolyp taǵaıyndaldy.
2017-2019 jyldary Qazaqstan Respýblıkasynyń Eńbek jáne halyqty áleýmettik qorǵaý vıse-mınıstri boldy.
Al bıyl maýsymda Svetlana Jaqypova Halyqtyń áleýmettik osal sanattarynyń quqyqtary jónindegi ýákil bolyp taǵaıyndalǵan edi.