Serbııanyń Belgrad qalasynda kúres túrlerinen álem chempıonaty bastaldy. Jarystyń alǵashqy kúni kilemge shyqqan balýandarymyzdyń arasynan Dastanbek О́simjan (61 keli) men Azamat Dáýletbekov (86 keli) qola medal úshin kúresti jalǵastyrady, dep habarlaıdy Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
Dastanbek jubanysh beldesýlerinde bolgar Stılıan Iаnchık, japon Kodaı Ogava, qyrǵyz Taıyrbek Jumashbekulyn jyǵýy tıis. Al Azamat jartylaı fınalda súringendikten jubanysh beldesýlerinde jeńiske jetken balýanǵa qarsy kúresedi. Erkin kúres balýandarynan kilemge endi Meırambek Qartbaı (57 kg), Nurqoja Qaıpanov (74 kg), Bolat Saqaev (79 kg) pen Rızabek Aıtmuhan (92 kg) shyǵady. Serbııa astanasyndaǵy palýandar dodasy 24 qyrkúıekte aıaqtalady.
77 memleketten jınalǵan 1000-ǵa tarta sportshy álem chempıonatynyń medali men Parıj jazǵy Olımpıadasynyń joldamasy úshin kúreske túsedi.
Serbııa eli byltyr da 10-18 qyrkúıek aralyǵynda kúres túrlerinen álem chempıonatyn osy Štark Arena sport kesheninde ótkizgen bolatyn.