Serbııanyń astanasy Belgrad qalasynda kúres túrlerinen ótip jatqan álem chempıonatynda Rızabek Aıtmuhan fınalǵa shyqty, dep habarlaıdy Egemen.kz Týrızm jáne sport mınıstrligi Sportty damytý dıreksııasynyń baspasóz qyzmetine silteme jasap.
Rızabek jastar arasynda álem chempıonatynyń kúmis júldegeri. Eresekter qataryna endi qosylǵan 19 jastaǵy balýan óziniń minezdiligin kórsetip, fınalǵa deıingi qarsylastaryn aıqyn utty. Irikteý beldesýin ekinshi aınalymnan bastaǵan balýan majarlyq Balash Iýhashty utty. Jartylaı fınalda túrik Feızýlla Aqtúrikti de aıqyn jeńdi. Aqtúrik Rızabekti buǵan deıin eki ret jeńgen bolatyn. Ketken eseni Serbııa tórinde qaıtardy.
Búgin álem chempıonatynyń altyn medali úshin ázerbaıjandyq Osman Nurmaǵamedovke qarsy kúreske túsedi. 92 keli olımpıadalyq salmaq sanalmaıdy. Dese de qazaq eliniń balýandary erkin kúresten eresekter arasynda álem chempıonatynyń altyn medalin alǵan emes. Osy olqylyqty bútindeý Aıtmuhannyń soıyna amanat. 32 jylda erkin kúres sheberleri álem chempıonattarynan 5 kúmis, 11 qola medal oljalady.