Hanchjoýda ótip jatqan Azııa oıyndarynda Qazaqstan quramasynan tórt boksshy búgin rıngke shyǵady. Bul týraly Sport. kz saıtynan málim boldy, dep habarlaıdy Egemen.kz.
Kúndizgi sessııada Qazaqstannyń eki sportshysy jáne keshki sessııada eki sportshysy sharshy alańǵa shyǵady.
Astana ýaqytymen saǵat 13:15-te Natalıa Bogdanova sharshy alańǵa shyǵady. 66 kelige deıingi salmaqta judyryqtasatyn sportshymyz shırek fınalda mońǵolııalyq Sesegdarı Mıagmarsýrenmen kezdesedi.
Saǵat 14:45-te jartylaı fınaldyq jekpe-jek ótkizetin 92 kelige deıingi salmaqtaǵy Saǵyndyq Toǵambaı qytaılyq Han Sıýechjenmen judyryqtasady. Atalǵan jekpe-jekterdiń tikeleı translıasııasyn boks jankúıerleri Qazaqstan telearnasynan tamashalaı alady.
Saǵat 17:15-te 57 kelige deıingi salmaqta Karına Ibragımova mońǵolııalyq Namýýn Monhormen shırek fınaldyq jekpe-jek ótkizedi.
Saǵat 19:00-de 63,5 kelige deıingi salmaqtaǵy shırek fınalda Ertýǵan Zeınýllınov Mońǵolııanyń taǵy bir ókili Chınzorıg Baatarsýhıınmen qolǵap túıistiredi. Atalǵan jekpe-jekterdi Qazsport telearnasy tikeleı efırde kórsetedi.