Almaty oblysynyń prokýratýrasy Talǵar aýdanyndaǵy mektepterdiń birinde esepshiniń jalaqyǵa arnalǵan bıýdjet qarajatyn urlaý faktisin anyqtady, dep jazady Egemen.kz oblystyq prokýratýranyń baspasóz qyzmetine silteme jasap.
«Quqyq buzýshylyq mektepte jumys istemeıtin qyzmetkerleri men olardyń týystaryna aqsha aýdarý arqyly jasalǵan. Aldyn ala keltirilgen shyǵyn 90 mln teńgeden asady jáne shyǵyndy esepteý jalǵasyp jatyr.
Atalǵan fakti boıynsha oblys prokýratýrasy Qazaqstan Respýblıkasy Qylmystyq kodekstiń 189 baby 2-bóligi 4-tarmaǵy boıynsha qylmystyq is qozǵalyp (senip tapsyrylǵan bóten múlikti ıemdenip alý nemese talan-tarajǵa salý) tergeý boıynsha Almaty oblysy boıynsha Ekonomıkalyq tergeý basqarmasyna joldandy», delingen aqparatta.
Almaty oblysynyń Eńbekshiqazaq aýdanynda budan buryn osyndaı fakt anyqtalyp, mektep esepshisi tergeý satysynda 10 mıllıon teńgeden asa shyǵyndy ótegen bolatyn.