Bas prokýratýra men Ishki ister mınıstrliginiń qyzmetkerleri Qazaqstannyń Polshadaǵy Elshiliginiń kómegimen Polsha Respýblıkasynan transulttyq uıymdasqan topty qurý jáne basqarý úshin qylmystyq jaýapkershilikke tartý maqsatynda Ýkraına azamatyn ekstradısııalady, dep jazady Egemen.kz.
«Kúdiktiniń 2022 jyly qurǵan qylmystyq toby Qazaqstan aýmaǵynda asa iri kólemde psıhotroptyq zattardy óndirýmen jáne satýmen aınalysqan. Tárkilengen zańsyz zattardyń kólemi 1 tonnadan asady, al olardyń zańsyz aınalymdaǵy jalpy quny 1,5 mlrd teńgeni quraıdy», delingen aqparatta.
Atalǵan qylmystardy jasaǵannan keıin uıymdasqan top músheleri ustaldy, al onyń jetekshisi jasyrynyp, oǵan halyqaralyq izdestirý jarııalanǵan edi.
2023 jyldyń tamyz aıynda kúdikti Polsha memleketiniń aýmaǵynda ustaldy.
QR Bas prokýratýrasynyń suraýy boıynsha ol ekstradısııalanyp, qazirgi ýaqytta Astana qalasynyń tergeý ızolıatoryna qamaldy.
«Aıyptalýshynyń múlki tárkilenip, on bes jyldan jıyrma jylǵa deıingi merzimge nemese ómir boıyna bas bostandyǵynan aıyrylýy múmkin, dep jazylǵan Bas prokýratýranyń baspasóz qyzmeti taratqan habarlamada.