Muǵalim jetispeıdi

Osy maqsatta ýnıversıtettiń 4-kýrs stýdentteri elordadaǵy mektepterde tájirıbeden ótedi. Ondaǵy maqsat – «Jaıly mektep» jobasy aıasynda jańa mektepterdi pedagogıkalyq mamandarmen qam­ta­masyz etý. Astanaǵa kelgen stýdenttermen Ǵylym jáne jo­ǵary bilim mınıstri Saıasat Nurbek jáne Abaı atyndaǵy QazUPÝ basqarma tóraǵasy-rektory Bolat Tilep kezdesý ótkizip, muǵalimdik mindettiń mańyzyna toqtaldy. Sapaly bilim qalyptastyrýdaǵy jetekshi pedagogıkalyq oqý ornynyń bas­ty mindeti – ustazdyq mamandyqty ta­­ń­daǵan stýdentterdiń ja­ýap­­­kershiligine basty nazar aýda­rý. Osy oraıda Astana qala­sy­nyń ­Bilim basqarmasymen yntymaqtastyq memorandýmyna qol qoıyldy. Nátıjesinde, Abaı ýnıversıtetiniń 181 stýdenti 32 oqý ornynda, onyń ishinde 11 lıseıde, 13 gımnazııada, 1 orta mektepte, 3 arnaýly oqý ornynda, 4 balabaqshada tájirıbeden ótedi. Tájirıbe kezeńi bıylǵy  jyldyń 4 naýryzynan bastap mamyr aıynyń 3-ine deıin jalǵasady.  Ýnıversıtettiń osy baǵyttaǵy kelisimderine sáıkes aldaǵy ýaqytta L.N.Gýmılev atyn­daǵy Eýrazııa ulttyq ýnı­versıtetimen pedagogıkalyq kadrlardy daıarlaýdyń jańa jobalary ázirlenedi.

Respýblıka mektepterin bilikti mamandarmen qam­ta­masyz etýge baǵyttalǵan kelisim taıaýda Almaty ob­ly­synyń Bilim basqarmasymen jasaldy. Abaı ýnı­ver­sıtetiniń bas­qarma tóraǵasy-rektor Bolat Tilep, Almaty oblysy Bilim basqarmasynyń basshysy Saltanat Bespaeva, ýnı­versıtettiń akademııalyq qyzmet jónindegi prorektory Baný Narbekova, akademııalyq máseleler men qoǵammen baılanys salasyna jaýapty depar­tamentterdiń basshylary keleli máselelerdi talqylady. Osy kezdesýde rektor Bolat Tilep muǵalim «Jaıly mektep» jobasy aıasynda Almaty jáne Astana qalalaryndaǵy jańa mektepterdi pedagogıkalyq kadr­larmen qamtamasyz etýge, aýyldyq jáne qalalyq orta bilim berý uıymdaryndaǵy alshaqtyqty joıýǵa, mektep dırektorlary men orynbasarlaryn, muǵalimderdi qaıta daıarlaý jáne biliktiligin arttyrýǵa baǵyttalǵan ýnıversıtettiń josparlary men bastamalary týraly baıandady.

Yntymaqtastyq kelisimi nátı­jesine sáıkes «Jaıly mektep» jobasy aıasynda Almaty oblysynyń jańa oqý jylynda paıdalanýǵa beriletin 26 jańa mektebin bilikti mamandarmen qamtamasyz etilip, oblystyń 433 mektebinde fızıka, matematıka jáne hımııa muǵalimderiniń bilim sapasyn jaqsartý, muǵalimderdiń ınnovasııalyq baǵdarlamalar men sıfrlyq tehnologııalarmen jumys deńgeıin arttyrý, tájirıbe almasý iske asady.

Jetisý oblysy Bilim basqar­masynyń basshysy Marat Súleımenovpen kezdesýde orys tili, matematıka jáne ınformatıka muǵalimderi tapshylyǵy aıtyldy. Sondaı-aq erekshe bilim berýdi qajet etetin balalarmen jumys isteıtin mamandarmen qamtamasyz etý, munymen qosa bilim sapasyn jaqsartý úshin mektep basshylyǵy men pedagog kadrlardyń biliktiligin arttyrý, qaıta daıar­laý máseleleri de jalǵasyn tabýǵa tıis. Osy kezdesý barysynda memorandýmǵa qol qoıylyp, bilim berý sala­synyń ózekti máseleleri, onyń ishinde ýnıversıtet pen mektep arasyndaǵy baılanysty nyǵaıtýǵa baǵyttalǵan is-shara­lar talqylandy.

ALMATY