Qazaqstan Biryńǵaı jınaqtaýshy zeınetaqy qorynan tólenetin zeınetaqy tólemderine salyq salýdy alyp tastaýdy josparlap otyr. Premer-mınıstr Oljas Bektenov depýtattyq saýalǵa bergen jaýabynda bul usynysty júzege asyrý tásilderi jańa Salyq kodeksiniń jobasynda kórinis tabatynyn aıtty, dep habarlaıdy Egemen.kz.
О́zderińiz biletindeı, búginde Biryńǵaı jınaqtaýshy zeınetaqy qorynan tólenetin zeınetaqy tólemderi jeke tabys salyǵymen tólem kózinen salyq salynatyn tabystarǵa jatady.
«Máseleniń áleýmettik mańyzdylyǵyn, sondaı-aq shegerimder men jeńildikter boıynsha halyqaralyq tájirıbeni eskere otyryp, Biryńǵaı zeınetaqy qorynan tólenetin zeınetaqy tólemderin jeke tabys salyǵyn tóleýden bosatý usynylyp otyr», dep atap ótti Úkimet basshysy óz jaýabynda.
Onyń aıtýynsha, salyq salýdy joıý eki jaǵdaıda qoldanylmaıdy:
- Azamattar Qazaqstan Respýblıkasynan tys jerlerge shyqqan jaǵdaıda;- Tólemder muragerlik jolmen berilse.
Jeke tabys salyǵy boıynsha bıýdjet shyǵynynyń kólemi úkimettiń baǵalaýy boıynsha 4,1 mlrd teńgeni quraıdy.
2023 jyldyń qazan aıynda Májilis depýtaty Azat Perýashev zeınetaqy jınaqtary men ınvestısııalyq kiristerge BJZQ-ǵa salyq salynbaýdy usyndy, óıtkeni bul qarajat el ekonomıkasyna jumys isteıdi. Keıinirek ol depýtattardyń bul bastamadan bas tartqanyn túsindirdi.