Aqtóbe jáne Qostanaı oblystarynda monıtorıng nátıjesi boıynsha alqaptarda shegirtkege qarsy qosymsha óńdeý júrgizilip jatyr, dep jazady Egemen.kz.
Aqtóbe oblysynyń shegirtke ushyp ótýi tirkelgen Alǵa aýdanynda josparlanǵan 41 570 gektardyń 39 570 gektary óńdeldi. Esebi ekonomıkalyq zııandylyq sheginen joǵary jańa úıiri tabylǵan jaǵdaıda jedel óńdeý júrgiziledi.
Premer-mınıstrdiń orynbasary Serik Jumanǵarınniń tóraǵalyǵymen ótken Respýblıkalyq jedel shtab otyrysynda shegirtkelerge qarsy kúres boıynsha jaǵdaı talqylandy.
Shekaralas aýmaqtardaǵy jaǵdaıǵa erekshe nazar aýdaryldy. Aqtóbe oblysynyń Áıteke bı aýdanynda Reseı Federasııasy shekarasy boıynda 104 km alańda hımııalyq óńdeý júrgizildi, barlyǵy 219 km shekara aımaǵynyń 195 shaqyrymyn óńdeý josparlanǵan. Reseı tarapynyń derekteri boıynsha Orynbor oblysynda 22 myń ga, Qazaqstan shekarasy boıynda 10 km óńdelgen.
Jedel shtab otyrysynyń qorytyndysy boıynsha vıse-premer shóptiń qalyń ósken jerleri kóp Pavlodar, Qaraǵandy jáne Abaı oblystary ákimdikterine shegirtkelerdiń taralýyna baqylaýdy kúsheıtýdi tapsyrdy.