Búgin Qytaıdyń Harbın qalasynda ótip jatqan IH qysqy Azııa oıyndarynda qyzdar quramasy jarys jolyna shyqty, dep jazady Egemen.kz.
Bıatlonnan áıelder arasynda 7,5 shaqyrym sprıntte baq synaǵan Arına Krıýkova Azıadany 4 - satyda túıindedi. Onyń ýaqyt kórsetkishi - 23:06.5 sekýnd. Osy básekede óner kórsetken ózge otandastarymyz Olga Poltoranına 23 mınýt, 17.8 sekýndta júrip ótip, bestikke kirdi. Darıa Klımına 23 mınýt, 30.7 sekýndta márege jetip, 7-oryndy mise tutty, Polına Egorova 13-satyǵa taban tiredi.
Saıystyń altyn júldesin Ońtústik Koreıa sportshysy Ekaterına Avvakýmova enshiledi. Kúmis pen qola medal jergilikti sportshylardyń qorjynynda qaldy.
Frıstaıl-akrobatıkadan sınhrondy sekirýde júldege talasqan Ardana Mahanova men Aıana Joldas qola medalǵa qol jetkizdi.
Kıorlıngten áıelder quramasy Fılıppınge qarsy kezekti kezdesýin ótkizdi. Tartysty matchta 5-4 esebi el quramasynyń paıdasyna tirkeldi. Komanda sapynda Tylsymaı Allııarova, Mereı Tastemir, Angelına Ebaýer, Ekaterına Kolyhalova, rezervtegi oıynshy Regına Ebaýer óner kórsetti.
Qurama búgin Qatar sportshylarymen sheberlik baıqasady. Jartylaı fınalǵa shyqqan quramalar erteńgi 2 oıynnan soń anyqtalady.