Buqar jyraý aýdanynyń Kókpekti aýlynda salynyp bitken 2 páterli 5 úıdi aýdandyq ákimdik satyp alyp, ıelerine kiltin tabystady, dep habarlaıdy Egemen.kz.
Jańa páterler halyqtyń áleýmettik osal tobyna jatatyn 4 otbasyna, 4 kópbalaly otbasyna jáne baspanasy qaýipti dep tanylǵan 2 otbasyna berildi.
Qýanysh ıelerine páter kiltin Buqar jyraý aýdandyq turǵyn úı qatynastary jáne turǵyn úı ınspeksııasy bóliminiń basshysy Aınagúl Iskakova saltanatty túrde tabystap, qonystoımen quttyqtady.
Aýmaǵy 84 sharshy metr bolatyn bul páterdiń bári úsh bólmeli.
Jalpy bıyl Buqar jyraý aýdanynda kezekte turǵan 100-den asa otbasyny jaıly baspanamen qamtamasyz etý kózdelip otyrǵan kórinedi.