CTS kólik kompanııasy Astana halyqaralyq áýejaıy mańynda Qabanbaı batyr dańǵyly boıynda ornalasqan LRT stansalarynyń birin kórsetti, dep habarlaıdy Egemen.kz.
«City Transportation Systems» JShS baspasóz qyzmetiniń habarlaýynsha, №101 jobalyq ataýymen belgili stansasynda árlendirý jumysynyń barlyǵy aıaqtaldy. Sondaı-aq metall konstrýksııalar montajdalyp (497,51 tonna), syrty arnaıy materıaldarmen qaptaldy (4765 m²).
LRT-nyń bolashaq stansasy eskalatorlarmen, lıfttermen, jolaýshylar úshin yńǵaıly ınteraktıvti ekrandarmen jabdyqtalǵan. LRT jelisi jerdegi (11 stansa) jáne jerústi (7 stansa) bolyp bólinetin eki deńgeıli zaldary men platformalary bar 18 stansadan turady.
Kompanııanyń baspasóz qyzmeti Syǵanaq (eki stansa), Sh.Qaldaıaqov (tórt stansa) kóshelerinde jáne «Nurly jol» temirjol vokzaly aýdanynda (bir stansa) ornalasqan stansalardy jol ortasyna qaraı ornalasýy erekshelendirip turǵanyn jetkizdi. Olarǵa jetý qaýipsiz bolýy úshin jeti stansanyń árqaısysyna eki-ekiden jerústi ótkelderin salý qarastyrylǵan.