Bıyl Almatyda áleýmettik medısınalyq saqtandyrý qory esebinen qaladaǵy erli-zaıyptylar tolyq pregravıdarly daıyndyqtan tegin ótedi. Bul maqsatqa 673 mln teńge bólinip otyr, dep habarlaıdy Egemen.kz.
Bala kótergisi keletin almatylyq otbasylar kóptegen medısınalyq qyzmetterdi tegin alady. Negizgi shart - saqtandyrylǵan jarnasy ýaqytyly aýdarylýy qajet. Jarna turaqty aýdarylmaǵan jaǵdaıda medısınalyq qyzmetterdiń biraz bóligi qoljetimsiz bolyp qalady.
Pregravıdarly kezeńde otbasylyq juptar júktilikke deıin jan-jaqty tekserýden ótedi. Iаǵnı, bul kezeńde ómirge deni saý bala ákelý úshin zamanaýı medısına múmkindikteri qoljetimdi bolmaq. Bolashaq ata-analar bul kezeńde túrli dıagnostıkalaýdan ótedi.