Oral qalasynda daryndy balalarǵa arnalǵan oblystyq mamandandyrylǵan №8 mektep-lıseı saltanatty túrde ashyldy.
Ol 1952 jyly salynǵan apatty mekteptiń ornyna salyndy. Joba Memleket basshysynyń tapsyrmasyna sáıkes bilim jaǵdaıyn jaqsartý jáne sapaly bilimniń barshaǵa birdeı qoljetimdi bolýyn qamtamasyz etý maqsatynda júzege asyryldy.
Buǵan deıin Úkimet Arnaýly memlekettik qordan mektep qurylysyna 2,8 mlrd teńge bólgen edi. Jańa ǵımarat 400 oqýshyǵa shaqtalyp salynǵan jáne balalardyń bilim alýyna barlyq jaǵdaı jasalǵan.