Qurylys kodeksiniń jobasyn birinshi oqylymda qaraıdy

Jalpy otyrysta depýtattarǵa «Qazaqstan Respýblıkasynyń Qurylys kodeksiniń jobasyn ilespe túzetýlerimen birinshi oqylymda qaraý usynylady. Qujat 2022 jylǵy 1 qyrkúıektegi Memleket basshysynyń «Ádiletti memleket. Birtutas ult. Berekeli qoǵam» atty Joldaýyn iske asyrý maqsatymen ázirlengen.

Kodeks jobasy qurylys sala­syn­­daǵy júıeli máselelerdi sheshýge, adamnyń ómir súrýine qolaıly ári qaýipsiz ortany qalyptastyrýǵa, sonyń ishinde múmkindigi shekteýli toptar úshin nysandardyń qol­jetim­diligin qamtamasyz etýge baǵyttalǵan. Onda sáýlet, qala qu­ry­lysy jáne qurylys qyzmeti bo­ıynsha qabyldanatyn sheshimderdi talqylaýǵa qoǵamnyń qatysýy, buzý­shylyqtarǵa ýaqtyly áreket etý, sondaı-aq jobalaý men qury­lys sala­syndaǵy mamandar men uıym­dardy sertıfıkattaý qaras­ty­­rylǵan.

Májiliske sondaı-aq Par­la­me­nt depýtattary bastama­shylyq etken «Jer qoınaýy jáne jer qoınaýyn paıdalaný týraly» kodekske kómirsýtekter men ýran salasyndaǵy jer qoınaýyn paıdalanýdy jetildirý máseleleri bo­ıynsha zań jobasyn  qaraý usy­ny­lady.

Zań jobasy jer qoınaýyn paıdalaný salasynyń ınvestısııalyq tartymdylyǵyn arttyrýǵa jáne ýran ónerkásibinde memlekettiń múddelerin qorǵaýǵa baǵyttalǵan. Jer qoınaýyn geologııalyq zertteý lısenzııasynan jer qoınaýynyń az zerttelgen aýmaq­ta­rynda orna­lasqan ýchaskeler boıynsha barlaý jáne óndirýge arnalǵan úlgilik kelisimshartqa kóshý quqyǵyn jer qoınaýyn paıdalanýshyǵa basymdyqpen berý bóliginde ózgerister engizi­ledi.

Sonymen qatar kómirsýtekterdi barlaý jáne óndirý jónindegi kelisimsharttardy alǵashqy úsh jyl ishinde ıelikten shyǵarýǵa tyıym salý, ulttyq kompanııalar úshin aýmaqtardy rezervteýdiń úsh jyl­dyq shekteýin engizý, az zert­telgen aýmaqtarda aýksıon ótkizý merzimderin qys­qar­tý, geo­lo­­gııalyq barlaý jumys­ta­ry­nyń eń tómengi kólemin belgileý qarastyrylǵan. Sondaı-aq ýran salasyndaǵy ulttyq kompanııa úshin ýran ken oryndary men ýran ken zalejderin barlaý aýmaqtaryn rezervteý mehanızmi engiziledi.