Polısııa jol-kólik oqıǵasy boıynsha qylmystyq is qozǵady. Aldyn ala málimet boıynsha, jeńil kólik jol jıegine shyǵyp ketip, aýdarylǵan, dep habarlaıdy Egemen.kz.
«Sharbaqty-Sosnovaıa» avtojolynda qaıǵyly jol apaty tirkeldi.
- 5 qazan kúni «Sharbaqty – Sosnovaıa» avtojolynyń boıynda, Orlovka aýylynan shamamen 3 shaqyrym qashyqtyqta Toyota Mark II markaly avtokóliktiń júrgizýshisi róldi basqara almaı, jol jıegine túsip ketken. Avtokólik aýdarylǵan. Oqıǵa saldarynan júrgizýshi qaza taýyp, tórt jolaýshy jaraqat aldy, - dep habarlady óńirlik polısııa departamentiniń baspasóz qyzmetinen. Oqıǵanyń mán-jaıy men sebepteri tergeý barysynda anyqtalatyn bolady. Polısııa departamenti jol-kólik oqıǵalarynyń aldyn alý úshin jol qozǵalysyna qatysýshylarǵa jyldamdyq rejımin qatań saqtaýdy, kólik quraldarynyń tehnıkalyq jaı-kúıin baqylaýdy eske salady.
Pavlodar oblysy