Oljas Bektenov shekaradaǵy sybaılas jemqorlyqpen kúres barysynda júkterdi tekserý derekterin taldaý kezinde JI engizý qajettigin aıtty, dep jazady Egemen.kz.
Premer-mınıstr kedendik ákimshilendirýdiń jan-jaqty ári ashyq bolýy respýblıkalyq bıýdjet kiristeriniń kólemine aıtarlyqtaı áser etetinin atap ótti. Sondyqtan Qarjy jáne Saýda mınıstrlikteri eksporttyq jáne ımporttyq operasııalarǵa monıtorıng jasaýdy kúsheıtýi qajet.
«Táýekelder beıinin jańartyp, júk tasymaldaryn “jasyl dáliz” qaǵıdaty boıynsha tranzıtteý úshin jaǵdaı jasaý adamı faktordyń aldyn alýy tıis. Júkterdi tekserý derekterin taldaý kezinde jasandy ıntellektini engizý qajet.Bul sybaılas jemqorlyqtyń jolyn kesýge ári shekaradan ótý prosesterin jedeldetýge múmkindik beredi», dep atap ótti Oljas Bektenov.Qarjy mınıstrligine Qarjylyq monıtorıng agenttigimen birlesip, kóleńkeli ekonomıkaǵa qarsy is-qımyldy úılestirý jumysyn kúsheıtý tapsyryldy.