L.N.Gýmılev atyndaǵy Eýrazııa ulttyq ýnıversıtetiniń uıymdastyrýymen ótken aptada Zerendide dástúrli «Zerendi Photo Fest III» festıvali ótti. Bıylǵy shyǵarmashylyq baıqaý joǵary oqý ornynyń 30 jyldyq mereıtoıyna arnaldy.
Festıvaldyń negizgi maqsaty – kásibı fototilshiler men stýdentter arasyndaǵy shyǵarmashylyq baılanysty nyǵaıtý, tájirıbe almasý jáne jas jýrnalısterge fotojanrdyń qyr-syryn úıretý.
Is-sharaǵa «National Geographic» jýrnalynyń fototilshisi Erbolat Shadrahov, «Egemen Qazaqstan» gazetiniń fototilshisi Erlan Omarov, Parlament Májilisiniń fototilshileri Talǵat Tánibaev pen Jandáýlet О́mirhanuly, sondaı-aq «QazAvtoJol» uıymynyń ókili Qaljan Tursynbaev qatysty.
Baıqaýdyń ashylý saltanatynda ýnıversıtet prorektory Lázzat Tólegenqyzy men Jýrnalıstıka jáne áleýmettik ǵylymdar fakýltetiniń dekany Nurjan Qýantaıuly quttyqtaý sóz sóılep, qatysýshylarǵa sáttilik tiledi.
Fotobaıqaý úsh kezeńnen – portret, peızaj jáne fotoreportaj janrlary boıynsha ótip, stýdentter óz sheberlikterin synady. Sonymen qatar qatysýshylarǵa tájirıbelik sabaqtar ótkizildi.
«Egemen Qazaqstan» gazeti jaýapty hatshysynyń orynbasary Almas Manap gazet da-ıyndaý úderisi men basylymnyń vızýaldy qurylymy jóninde keńinen áńgimelep, stýdentterge baspasóz jumysynyń erekshelikterin túsindirdi. Al Erbolat Shadrahov avtorlyq fotojumystaryn kórsetip, kásibı keńesterimen bólisti.
Baıqaý qorytyndysy boıynsha «Úzdik portret» atalymyn – Talǵat Tánibaev pen Jandáýlet О́mirhanuly, «Úzdik fotoreportaj» – Erlan Omar, «Úzdik fototilshi» jáne bas júldeni Erbolat Shadrahov jetekshilik etken komanda jeńip aldy.
Erkejan SANSYZBAI,
EUÝ-dyń 2-kýrs stýdenti