Kvandjý jáne Seýl qalalarynda ótken is-sharalar aıasynda Jambyl atyndaǵy Qazaq memlekettik akademııalyq fılarmonııasy jarqyn konserttik baǵdarlamasyn, al «Tarbiya» brendi dástúrli qazaq kıimderiniń kolleksııasyn tanystyrdy, dep habarlaıdy Egemen.kz.
Atalǵan is-sharalar Azııa mádenı ortalyǵy, Ortalyq Azııa – Koreıa Respýblıkasy yntymaqtastyq forýmy Hatshylyǵy jáne Ortalyq Azııa – Koreıa Respýblıkasy dostyq assosıasııasynyń qoldaýymen uıymdastyryldy.
Is-sharalarǵa Ortalyq Azııa – Koreıa Respýblıkasy yntymaqtastyq forýmy Hatshylyǵynyń Atqarýshy dırektory Lı Chon Gýk, Azııa mádenı ortalyǵynyń Prezıdenti Kım Sang Ýk, Ortalyq Azııa – Koreıa Respýblıkasy dostyq assosıasııasynyń Prezıdenti Lı Ok Rıon jáne Ortalyq Azııa elderiniń Elshileri qatysty.
О́ziniń sózinde Qazaqstan Elshisi Nurǵalı Arystanov Ortalyq Azııa elderi men Koreıa arasyndaǵy mádenı baılanystardy damytýdyń mańyzdylyǵyn atap ótip, mundaı is-sharalar halyqtar arasyndaǵy ózara túsinistik pen dostyqty nyǵaıtýǵa yqpal etetinin aıtty.
Sonymen qatar, qazaq dıplomaty saıası jáne parlamenttik dıalogtyń belsendi damyp kele jatqanyn atap ótip, Qazaqstan Prezıdenti Qasym-Jomart Toqaevtyń 2026 jyly Seýlde ótetin Ortalyq Azııa – Koreıa Respýblıkasy Sammıtine qatysý josparlaryn eske saldy.
О́z kezeginde, Ortalyq Azııa – Koreıa Respýblıkasy yntymaqtastyq forýmy Hatshylyǵynyń Atqarýshy dırektory Lı Chon Gýk óńirler arasyndaǵy mádenı almasýdyń belsendi damyp kele jatqanyn atap ótip, mundaı bastamalar halyqtarǵa bir-biriniń baı murasy men dástúrlerin jaqynyraq tanyp-bilýge yqpal etetinin aıtty.
Azııa mádenı ortalyǵynyń Prezıdenti Kım Sang Ýk mádenı almasýdyń deńgeıin joǵary baǵalap, mundaı bastamalardyń Azııa halyqtarynyń bir-birin jaqynyraq tanyp-bilýine jáne habardarlyqty arttyrýǵa kómektesetinin tilge tıek etti.
Jambyl atyndaǵy Qazaq memlekettik akademııalyq fılarmonııasynyń músheleri qazaqtyń kúıleri men halyq ánderin asqan sheberlikpen oryndady. «Tarbiya» brendiniń dástúr men zamanaýı stıldi úılestirgen ulttyq kıimder kolleksııasyda kórermenderdiń erekshe qyzyǵýshylyǵyn týǵyzdy. Feshn-shoý qonaqtarǵa Qazaqstannyń baı mádenı murasy men jandy energııasyn sezinýge múmkindik berdi.
Qazaq ónerpazdarynyń oryndaýlary men dástúrli kıimder kórsetilimi koreı aýdıtorııasynda úlken qyzyǵýshylyq týdyryp, joǵary baǵa aldy. Bul is-shara ózara mádenı baıytýdyń jarqyn úlgisi bolyp, Qazaqstan men Koreıa arasyndaǵy gýmanıtarlyq baılanystardy nyǵaıtýǵa eleýli úles qosty.