Osyǵan deıin biz qarasha aıynda Italııanyń astanasy – Rımde World Boxing (WB) kongressi ótip, sol jerde jańa prezıdentiniń saılanatynyn jazǵanbyz, dep jazady Egemen.kz.
Ol kezde úmitkerler sany úsheý edi. Olar – Qazaqstannyń áıgili kásipqoı boksshysy, elimizdiń Ulttyq Olımpıada komıtetiniń prezıdenti Gennadıı Golovkın, Grekııanyń boks qaýymdastyǵynyń jetekshisi Harıs Marıolıs jáne Ýkraınanyń ataqty sportshysy Vladımır Klıchko.
Barlyǵy da sol uıymnyń basshylyq qyzmetinen dámeli bolǵan. Biraq kúni keshe ǵana Klıchkonyń raıynan qaıtqany belgili boldy. Ol BAQ ókilderine bergen suhbatynda Rımdegi kongresste saılaýǵa túspeıtinin resmı túrde málimdedi. Bul GGG-niń jeńiske jetýi úshin tamasha múmkindik!