Eńbek jáne halyqty áleýmettik qorǵaý mınıstriniń buıryǵymen Ilıa Vasılevıch Skýb Halyqty áleýmettik qorǵaý salasyndaǵy retteý jáne baqylaý komıtetiniń tóraǵasy qyzmetine taǵaıyndaldy, dep habarlaıdy Egemen.kz Úkimettiń baspasóz qyzmetine silteme jasap.
Ilıa Skýb 1987 jyly Selınograd qalasynda dúnıege kelgen. Qarjy polısııasy akademııasyn bitirgen.
2007-2015 jyldary – Astana qalasyndaǵy Qarjy polısııasy organdarynda qyzmet etken;
2015-2016 jyldary – «Vasil Sport» JShS zańgeri, Astana qalasy;
2016-2019 jyldary – «Astana qalasynyń Jumyspen qamtý, eńbek jáne áleýmettik qorǵaý basqarmasy» MM Arnaýly áleýmettik qyzmetter jáne áleýmettik mekemeler qyzmetin úılestirý bóliminiń basshysy;
2019-2025 jyldary – «Astana qalasynyń Jumyspen qamtý jáne áleýmettik qorǵaý basqarmasy» MM basshysynyń orynbasary, basshysy bolǵan.