Shyǵys Qazaqstan oblysy boıynsha sot saraptamalary ınstıtýty – ádil sot tóreligin qamtamasyz etýde zańdylyq pen obektıvtilikti saqtaýǵa baǵyttalǵan negizgi mekemelerdiń biri. Osy júıede komplaens-ofıserdiń qyzmeti erekshe oryn alady. Ol basshylyq, qyzmetkerler jáne qoǵam arasyndaǵy baılanystyrýshy býyn, dep jazady Egemen.kz.
Instıtýttyń qyzmeti tek sapaly saraptamalyq zertteýler júrgizýmen ǵana shektelmeı, kásibı etıka mádenıetin, senim men ashyqtyq qaǵıdattaryn damytýǵa da baǵyttalǵan.
Komplaens-ofıserdiń basty mindeti, belgilengen normalar men standarttardyń saqtalýyn qamtamasyz etý, adaldyq pen ádildik atmosferasyn qalyptastyrý, sondaı-aq saraptamalyq qyzmettiń obektıvtiligi men beıtaraptyǵyna áser etýi múmkin áreketterdiń aldyn alý.
– Komplaens-ofıser ishki reglamentterdi ázirleýdi úılestiredi, olardyń oryndalýyn baqylaıdy, yqtımal táýekelderdi taldaıdy jáne olardy azaıtýǵa baǵyttalǵan is-sharalardy usynady. Etıka, qyzmettik tártip jáne qyzmetkerlerdiń quqyqtyq mádenıetin arttyrý máselelerine erekshe kóńil bólinedi. Únemi ótkizilip turatyn oqytý semınarlary, keńester men ashyq talqylaýlar adaldyq pen jaýapkershilik standarttaryn ortaq túsinýge yqpal etedi, – deıdi sot saraptamalary ınstıtýtynyń Shyǵys Qazaqstan oblysy boıynsha dırektordyń orynbasary Serik Omarǵazın.
Júıeli komplaens-baqylaý jumysynyń arqasynda ınstıtýtta saraptamalyq zertteýlerdiń nátıjelerine degen senim nyǵaıa túsken. Qazirgi tańda komplaens-ofıserdiń qyzmeti tek baqylaý ǵana emes. Korporatıvtik mádenıetti, ashyqtyqty jáne Instıtýt ujymynyń tıimdi jumysyn qamtamasyz etetin strategııalyq basqarý tetigi.
Aıta keteıik, osy oraıda týyndaǵan barlyq suraqtar boıynsha komplaens-ofıserge compliance.vko@mail.ru elektrondyq poshtasy arqyly habarlasýǵa bolady.
О́skemen